ನವದೆಹಲಿ: ವಿಮಾನ ಪ್ರಮಾಣದ ವೇಳೆ ಮಾಸ್ಕ್ ಧರಿಸುವುದು ಎನ್ನುವ ನಿಯಮವನ್ನು ಸಡಿಲಗೊಳಿಸಲಾಗಿದೆ. ಕೋವಿಡ್ ಪ್ರಸರಣ ನಿಯಂತ್ರಣ ಕ್ರಮವಾಗಿ ಜಾರಿಗೆ ತರಲಾಗಿತ್ತು. ವಿಮಾನ ಪ್ರಯಾಣದ ವೇಳೆ ಪ್ರಯಾಣಿಕರು ಕಡ್ಡಾಯವಾಗಿ ಮಾಸ್ಕ್ ಧರಿಸುವ ಮೂಲಕ ಪ್ರಯಾಣಿಸಬೇಕು ಎಂದು ಆದೇಶವಿತ್ತು. ಆದರೆ ಇನ್ಮೊಂದೆ ಪ್ರಯಾಣಿಕರು ಕಡ್ಡಾಯ ಮಾಸ್ಕ್ ಧರಿಸಬೇಕು ಎನ್ನುವುದು ಕಡ್ಡಾಯವಿಲ್ಲ. ಬದಲಾಗಿ ಮಾಸ್ಕ್ ಧರಿಸುವ ಪ್ರಯಾಣಿಕರು ತಮ್ಮ ಇಚ್ಛೆ ಅನುಸಾರವಾಗಿ ಧರಿಸಬಹುದು ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.
ವಿಮಾನ ಮಾಹಿತಿ ಉದ್ಘೋಷಣೆ ಮಾಡುವಾಗ ಮಾಸ್ಕ್ ಧರಿಸುವುದು ಕಡ್ಡಾಯ, ಇಲ್ಲದಿದ್ದರೆ ದಂಡ ಹಾಕಿ ಕ್ರಮ ಕೈಗೊಳ್ಳಲಾಗುತ್ತದೆ ಎಂಬುದನ್ನು ಘೋಷಿಸಲು ಅಗತ್ಯವಿಲ್ಲ ೆಂದು ಸಚಿವಾಲಯ ವಿಮಾನಯಾನ ಸಂಸ್ಥೆಗಳಿಗೆ ಸೂಚಿಸಿದೆ. ದೇಶದಲ್ಲಿ 4,41,28,580 ಕೇಸ್ ಗಳಿದ್ದು, ಇದರಲ್ಲಿ ಶೇ.98.79 ಸೋಂಕಿತರು ಚೇತರಿಸಿಕೊಂಡಿದ್ದಾರೆ. ಸಾವಿನ ಸಂಖ್ಯೆ ಶೇ.1.19 ರಷ್ಟಿದೆ ಎಂದು ಹೇಳಲಾಗುತ್ತಿದೆ.
